तुळजापूर : काँग्रेस पक्षाचे ज्येष्ठ व एकनिष्ठ कार्यकर्ते मा. दिलीप दादा भोकरे यांची धाराशिव किसान काँग्रेस जिल्हाध्यक्षपदी निवड करण्यात आली आहे. त्यांच्या या नियुक्तीबद्दल सर्व स्तरांतून त्यांचे मनःपूर्वक अभिनंदन करण्यात येत आहे. गेल्या चार दशकांपासून ते काँग्रेस पक्षाशी सक्रियपणे जोडलेले असून शेतकऱ्यांच्या प्रश्नांवर त्यांनी तालुका व जिल्हा पातळीवर सातत्याने लढा दिला आहे. पंचायत समिती तुळजापूरच्या माध्यमातून त्यांनी शेतकऱ्यांसाठी उपयुक्त योजना राबवून त्यांच्या अडचणींवर मार्ग काढला आहे. काँग्रेस पक्षाच्या विचारधारेचा प्रसार करत त्यांनी जिल्ह्यातील शेतकऱ्यांमध्ये जागरूकता निर्माण केली. त्यांच्या लोकसंग्रहामुळे व कार्यकर्तृत्वामुळे जिल्हाध्यक्षपदी त्यांची निवड योग्य व्यक्तीच्या हाती नेतृत्व गेले असल्याची प्रतिक्रिया कार्यकर्त्यांतून उमटत आहे. भोकरे यांच्या पुढील वाटचालीसाठी शुभेच्छा देत त्यांच्या कार्यकाळात शेतकऱ्यांच्या प्रश्नांना अधिक बळकटी मिळेल, अशी अपेक्षा व्यक्त केली जात आहे.
४० वर्षांच्या संघर्षानंतर भोकरे यांच्या हाती किसान काँग्रेसचे जिल्हाध्यक्षपद
