🚨 कॅन्सरविरुद्ध मोठा शोध!

रशियाने विकसित केली जगातील पहिली mRNA कॅन्सर व्हॅक्सीन – पहिली ट्रायल 100% यशस्वी

जगभरात झपाट्याने वाढणाऱ्या कॅन्सर प्रकरणांमध्ये आता दिलासादायक बातमी समोर आली आहे. रशियाच्या संशोधकांनी कॅन्सरवर पहिली mRNA कॅन्सर व्हॅक्सीन – “EnteroMix” विकसित केल्याचा दावा केला आहे. या व्हॅक्सीनची पहिली क्लिनिकल ट्रायल यशस्वी झाली असून, रुग्णांना कोणतेही दुष्परिणाम न होता ट्युमर कमी झाले किंवा त्यांची वाढ थांबली असल्याचे समोर आले आहे.

भारतातील धक्कादायक चित्र

जागतिक आरोग्य संघटनेच्या आकडेवारीनुसार, भारतात दर 9 वा आणि 10 वा व्यक्ती कॅन्सरच्या धोक्यात आहे. फक्त 2024 मध्येच 16 लाख नवीन रुग्ण आढळले तर सुमारे 9 लाखांनी जीव गमावला. अशा गंभीर परिस्थितीत ही लस म्हणजे खरंच आशेचा किरण ठरू शकते.

कशी काम करते ही लस?

mRNA तंत्रज्ञानावर आधारित ही लस शरीराला सूचनांसारखे संदेश देते.

त्या सूचनांमुळे पेशी विशेष प्रोटीन तयार करतात जे कॅन्सर पेशींना ओळखून नष्ट करतात.

सर्वात खास म्हणजे ही लस प्रत्येक रुग्णाच्या ट्युमरनुसार वैयक्तिकरित्या तयार केली जाते. त्यामुळे ती अधिक प्रभावी ठरते.

कोविड लसीप्रमाणेच नवे तंत्र

कोविड-19 mRNA लसीप्रमाणेच या व्हॅक्सीनद्वारे इम्यून सिस्टीमला कॅन्सर पेशींविरुद्ध सज्ज केले जाते. पण फरक इतकाच – ही लस वैयक्तिक स्वरूपात तयार केली जाते.

किमोथेरपी आणि रेडीएशनपेक्षा वेगळा मार्ग

किमोथेरपी व रेडीएशनसारखे उपचार वेदनादायी आणि दुष्परिणामकारक असतात. पण ही लस तुलनेत कमी त्रासदायक आणि अधिक प्रभावी असल्याचे तज्ज्ञांचे म्हणणे आहे.

पुढे काय?

या व्हॅक्सीनच्या फेज-2 आणि फेज-3 चाचण्या मोठ्या रुग्णसमूहावर होणार आहेत. जर त्या यशस्वी झाल्या तर भविष्यात कॅन्सर हा साध्या आजाराप्रमाणे सहज बरा होऊ शकतो. सध्या ही लस विशेषतः कोलोरेक्टल कॅन्सर, ब्रेन कॅन्सर (ग्लियोब्लास्टोमा) आणि डोळ्यांचा कॅन्सर (ऑक्युलर मेलेनोमा) यावर लक्ष केंद्रीत करत आहे.

👉 जर ही लस बाजारात आली, तर महागडी कॅन्सर औषधे घेण्याची वेळ भारतातील रुग्णांवर येणार नाही आणि लाखो लोकांना नवीन जीवनदान मिळेल.