करमाळा तालुक्यात ढगफुटी; पिकांचे मोठे नुकसान, पंचनाम्यांची युवक राष्ट्रवादीकडून मागणी

पुणे संपादक: बापु फुंदे
करमाळा तालुक्यतील विविध भागांमध्ये झालेल्या ढगफुटीमुळे अतिवृष्टी पावसाने शेतकऱ्यांचे मोठे नुकसान झाले आहे. केळी, डाळिंब, कांदा, मका, ऊस आणि तुर या पिकांचे प्रचंड नुकसान झाले असून शेतकरी हतबल झाले आहेत. अशा ठिकाणी महसूल खात्याने तात्काळ शेतकऱ्यांच्या बांधावर जाऊन पंचनामे करून योग्य ती मदत द्यावी, अशी मागणी होत आहे. सीना नदी काठावरील आळजापूर, तरटगाव, निलज, बोरगाव, संगोबा, करजे, मिरगव्हाण ही गावे पाण्याच्या धोक्याखाली आली होती. परिस्थिती गंभीर बनल्याचे लक्षात घेऊन करमाळा तहसीलदार शिल्पाताई ठोकडे यांनी प्रत्यक्ष पाहणी करून नागरिकांना सतर्क राहण्याचा इशारा दिला. तसेच प्रशासनाने तत्काळ कारवाई करत नागरिकांना सुरक्षित ठिकाणी हलविण्याची कार्यवाही केली. जरी मोठा जीवितहानीचा धोका टळला असला तरी शेतकऱ्यांच्या पिकांचे मोठे नुकसान झाले आहे. त्यामुळे तातडीने पंचनामे करून नुकसानभरपाई द्यावी, अशी ठाम मागणी युवक राष्ट्रवादी काँग्रेस तालुका अध्यक्ष किरण फुंदे यांनी केली आहे.